ಅಪರಿಮಿತ ಪ್ರೀತಿ, ಸಾಗರದಷ್ಟು ನಂಬಿಕೆ
ಹಂಚಿಕೊಂಡಿದ್ದಷ್ಟೂ ನಿಲುಕದ ನೆನಪುಗಳು..
ಕಳೆದ ರಾತ್ರಿಗಳು, ದಿನಗಳು, ಮಾಸಗಳು
ವರುಷಗಳು,ದಶಕಗಳು ಕೇವಲ ಲೆಕ್ಕಕಷ್ಟೇ!
ಯೌವ್ವನ, ಗ್ರಹಸ್ತಾಶ್ರಮದ ಕ್ಷಣಗಳು
ಪಟಪಟನೆ ಓಡಿರಲು..
ಒಡಲು ತುಂಬಿದ ಮಕ್ಕಳು, ದೇವರು ಕೊಟ್ಟ ಕುಡಿಗಳಲ್ಲಿ
ಅಂಬರವೇ ನಾಚುವಷ್ಟು ಕಂಡ ಪ್ರೀತಿ..!
ಅವರ ನಗುವಿನಲ್ಲಿ ಕಂಡ ಅಪಾರ ಖುಷಿ.
ಸುಖ-ದಾಂಪತ್ಯದ ಪರಮಾತ್ಮ ಒಳಗೊಳಗೆ ಕುಣಿಯುತಿರಲು..
ಅಂಗಳದಲಿ ಮನೆದೇವರ ಶುಭಹಾರೈಕೆಯ ದರ್ಪಣ..
ಮುಗಿಲಮಲ್ಲಿಗೆ ಸಿರಿ ಇನ್ನೂ ಕಮರಿಲ್ಲ.
ಏಳೇಳು ಜನ್ಮಕ್ಕೂ ನನಗೇ ನೀನೇ,
ನಿನಗೇ ನಾನೇ... ಎಲ್ಲರ ಮಾತು ಇದೇ. ಹೇಳಲು ವಾಕರಿಕೆ.
ಎಳಸು, ಹಳಸು ಈ ಮಾತು, ಇದು ನಮಗೆ ಬೇಡ..
ಈ ಜನ್ಮ ಒಂದೇ ಸಾಕು,
ಏಳು ಜನ್ಮ ಉಂಡಷ್ಟು, ನೆನೆಪಿಸಿಕೊಳ್ಳುವಷ್ಟು ಬ್ಯಾಂಕಿನಲ್ಲಿಟ್ಟ
ನಮ್ಮ ಅಪಾರ ಪ್ರೀತಿಯ ಅಸಲು.
ಬಡ್ಡಿ, ಚಕ್ರಬಡ್ಡಿಯಾಗಿ ಉಕ್ಕಿಹರಿಯುವುದು .
ನಮ್ಮ ರಕ್ತದಲ್ಲಿ, ಮುಂದಿನ ತಲೆಮಾರಿನಲ್ಲಿ.
ನಾನೆಲ್ಲೋ.. ! ನೀನೆಲ್ಲೋ...?
ಮದುವೆಯಾದರೂ, ಸೇರದಿದ್ದರೂ..
ಹಿಂದಿನ ನೆನಪಲ್ಲೆ ಇರೋಣ..
ಎಂದೆಂದಿಗೂ...
No comments:
Post a Comment