Friday 24 August 2012

ಭಟ್ಟರು ಸೋತರು, ಕನ್ನಡ ಪ್ರಭ ಗೆದ್ದಿತು !

ಈ ತಿಂಗಳ 19 ರಂದು ಸುದ್ದಿವಾಹಿನಿ ಸುವರ್ಣ ನ್ಯೂಸ್24*7 ಹಾಗೂ ಕನ್ನಡ ಪ್ರಭಗಳು ಹೊಸದಾಗಿ  ರೀಲಾಂಚ್ ಆಗಿವೆ. ಅಂದರೆ ಈ ಎರಡು ಮಾಧ್ಯಮಗಳು ಹೊಸಸೀರೆಯನ್ನುಂಟು ಕನ್ನಡಿಗರಿಗೆ ಹೊಸದಾಗಿ ಪರಿಚಯವಾಗಿವೆ. ಈ ಎರಡು ಮಾಧ್ಯಮಗಳು ರಾಜ್ಯಸಭಾ ಸದಸ್ಯ ರಾಜೀವ್ ಚಂದ್ರಶೇಖರ ರವರ ಒಡೆತನಕ್ಕೆ ಸೇರಿವೆ ಎಂಬುದು ಹೆಚ್ಚಿನವರಿಗೆ ತಿಳಿದಿರುವ ವಿಷಯ.  ಸುವರ್ಣ ನ್ಯೂಸ್ ಶುರುವಾದಾಗಿನಿಂದ ವಿಧಾನಸೌಧದ ಹಿಂಭಾಗದ ಕಮೀಷನರ್ ಆಫೀಸ್ ಎದುರುಗಡೆ ಇರುವ ಕಟ್ಟಡದಲ್ಲಿ ಕಾರ್ಯನಿರ್ವಹಿಸುತ್ತಿತ್ತು. ಈಗ  ಇದರಹೊಸ ಕಛೇರಿ ಶಿವಾನಂದ್ ಸರ್ಕಲ್ಗೆ ಶಿಫ್ಟ್ ಆಗಿದೆ. ಕನ್ನಡ ಪ್ರಭ ಕೂಡ  ಇಂಡಿಯನ್ ಎಕ್ಸ್ ಪ್ರೆಸ್ ಕಟ್ಟಡದಿಂದ  ವಾಹಿನಿಯ ಜೊತೆಗೇನೆ ಸೇರಬಹುದು. ಕನ್ನಡ ಪ್ರಭ ಹಾಗೂ ಸುವರ್ಣ ವಾಹಿನಿ ಎರಡೂ ಹೊಸ ಹೊಸ ಕಾನ್ಸೆಪ್ಟ್ ಗಳೊಂದಿಗೆ ಸದ್ಯ ವಿಭಿನ್ನವಾಗಿ ಕಾಣುತ್ತಿವೆ. ಕನ್ನಡಪ್ರಭ ಮಾತ್ರ ತನ್ನ ಹಳೆಯ ವೈಭವವನ್ನು ಮತ್ತೆ ಪಡೆದುಕೊಂಡಿದೆ ಅಂತ ಹೇಳಿದರೆ ತಪ್ಪಾಗಲಾರದು.
ಸುಮಾರು 5-6 ವರ್ಷದ ಹಿಂದಿನ  ಕನ್ನಡಪ್ರಭವನ್ನು ನೆನಪಿಸಿಕೊಳ್ಳಿ, ಹಾಗೆಯೇ ಈಗಿನ ಕನ್ನಡಪ್ರಭವನ್ನು ಹೋಲಿಕೆ ಮಾಡಿ ನೋಡಿದರೆ, ಪ್ರಭಕ್ಕೆ ಈಗ ಹೊಸ ಪ್ರಭೆ ಬಂದಿದೆ, ಹಳೆಯ ಚಾರ್ಮ್ ಮತ್ತೇ ಮೈಗೇರಿಸಿಕೊಂಡಿದೆ ಅಂತ ವಿಮರ್ಷಿಸಬಹುದು.  ಹಳೆಯ ಕನ್ನಡ ಪ್ರಭ ತನ್ನ ಕಟೆಂಟ್ ನಿಂದ  ಅಪಾರ ಓದುಗರನ್ನು ಪಡೆದುಕೊಂಡಿತ್ತು. ರಂಗನಾಥ್ರವರು  ಕನ್ನಡ ಪ್ರಭ ಬಿಟ್ಟ ಮೇಲೂ ಪತ್ರಿಕೆಯ ಹಳೆಯ ವೈಭವದ ಬೇರನ್ನು  ನಂತರ  ಸಂಪಾದಕರಾಗಿ ಬಂದ  ಶಿವಸುಬ್ರಮಣ್ಯರವರು ಮುಂದುವರೆಸಿಕೊಂಡು ಹೋದರು. ಮತ್ತೇ ಬೆಳವಣಿಗೆ ಎಂಬಂತೆ ವಿಶ್ವೇಶ್ವರ ಭಟ್ರವರು ಕನ್ನಡಪ್ರಭದ ಸಾರಥ್ಯ ವಹಿಸಿಕೊಂಡಾಗ, ಈ ಹಿಂದೆ ಅನೇಕ ದಶಕಗಳಿಂದ ನೋಡುತ್ತಿದ್ದ ಕನ್ನಡಪ್ರಭದ ನೋಟವನ್ನು ಬದಲಾಯಿಸಿ ಅದಕ್ಕೆ ವಿಶ್ವೇಶ್ವರ ಭಟ್ಟರು ಹೊಸ ರೂಪ ಕೊಟ್ಟರು. ಅದು  ಒಂದು ರೀತಿಯಲ್ಲಿ ಕನ್ನಡ ಪ್ರಭವನ್ನು ರಿಲಾಂಚ್ ಮಾಡಿದ ಹಾಗೆ ಇತ್ತು.  ಇದರಲ್ಲಿ ತಾವು ಈ ಹಿಂದೆ ವಿಜಯ ಕರ್ನಾಟಕದಲ್ಲಿ ಮಾಡಿದ್ದ ಹೊಸ ಪ್ರಯೋಗಗಳನ್ನೇ ಕನ್ನಡಪ್ರಭಕ್ಕೆ ಅಳವಡಿಸಿಕೊಂಡರು. ಹತ್ತಾರು ವರ್ಷಗಳಿಂದ ಕನ್ನಡ ಪ್ರಭವನ್ನು ನೋಡುತ್ತಿದ್ದ ನಮಗೆ, ಹೊಸ ಪ್ರಯೋಗದ ಕನ್ನಡ ಪ್ರಭವನ್ನು ಆರಂಭದಲ್ಲಿ ಒಪ್ಪಿಕೊಳ್ಳುವುದು ಕಷ್ಟವಾಗಿತ್ತು. ಹೀಗಿದ್ದರೂ ಭಟ್ಟರ ಹೊಸ ಹೊಸ ಪ್ರಯೋಗಗಳು ಕನ್ನಡಪ್ರಭದ ಮೂಲ ಬೇರನ್ನೇ ಬದಲಾಯಿಸಿಬಿಟ್ಟಿತ್ತು. ಬರುಬರುತ್ತಾ ಕನ್ನಡಪ್ರಭದ ಮೆರುಗು ಕಡಿಮೆಯಾಗುತ್ತಾ ಹೋಯಿತು. ಪತ್ರಿಕೆಯಲ್ಲಿ ಹೊಸತನದ ವಿಷಯಕ್ಕೆ ಬರ ಬಿದ್ದಿತು. ಓದುಗರು ಕಡಿಮೆಯಾಗುತ್ತಾ ಹೋದರು. ಅದೇ ಸಮಯದಲ್ಲಿ ವಿಜಯಸಂಕೇಶ್ವರ್ರವರ ವಿಜಯವಾಣಿ (ವಿಜಯ ಕರ್ನಾಟಕ+ ಉದಯವಾಣಿ) ತನ್ನ ಹೊಸ ಹೊಸ ಕಂಟೆಂಟ್ ನಿಂದ ಓದುಗರರಿಗೆ ಹೆಚ್ಚೆಚ್ಚು ಪರಿಚಯವಾಗುತ್ತಾ ಬೇರೆ ಪತ್ರಿಕೆಗಳಿಗೆ ದಿಟ್ಟ  ಉತ್ತರವನ್ನು ನೀಡುತ್ತಾ  ಮಾರುಕಟ್ಟೆಯಲ್ಲಿ ತನ್ನದೇ ಆದ ಅಸ್ತಿತ್ವವನ್ನು ಉಳಿಸಿಕೊಳ್ಳತೊಡಗಿತು. 
 ವಿಜಯವಾಣಿಯ ಬೆಳವಣಿಗೆಯ ಹಿಂದೆ ಕನ್ನಡಪ್ರಭದ ಬದಲಾವಣೆ ಕೂಡ ಕಾರಣವಾಗಿರಬಹುದು. ಕನ್ನಡಪ್ರಭದ ಓದುಗರೆಲ್ಲಾ ವಿಜಯವಾಣಿಗೆ ಶಿಫ್ಟ್ ಆದರು. ಪತ್ರಿಕೆಯ ಓದುಗರ ಸಂಖ್ಯೆ ಇಳಿಯಿತು.  ಅದೇ ರೀತಿ ಈ ಹಿಂದೆ ಕನ್ನಡಪ್ರಭದ ಸಂಪಾದಕರಾಗಿದ್ದ  ಶಿವಸುಬ್ರಮಣ್ಯರವರು ಹೊಸದಿಗಂತದ ಸಾರಥ್ಯವನ್ನು ವಹಿಸಿಕೊಂಡ ಮೇಲೆ, ಇದು ಕೂಡ ತನ್ನ ಹೊಸ ಮೆರಗನ್ನು ಪಡೆದುಕೊಂಡಿತು. ಓದುಗರ ಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳುತ್ತಾ ಹೋಯಿತು. ವಿಜಯವಾಣಿಯ ಗೆಲವು ಸಂಕೇಶ್ವರ್ ರವರಿಗೆ ಇನ್ನೊಂದು ಪತ್ರಿಕೆಯನ್ನು (ದಿಗ್ವಿಜಯ) ಪ್ರಾರಂಭಿಸುವ ಸ್ಪೂರ್ತಿ ನೀಡಿದೆ. ಕನ್ನಡ ಸುದ್ದಿ ಮಾಧ್ಯಮದಲ್ಲಾದ ಈ ಎಲ್ಲ ಬೆಳವಣಿಗೆಗೆಗಳು ಕನ್ನಡಪ್ರಭಕ್ಕೆ ಒಂದು ದೊಡ್ಡ ಸವಾಲನ್ನು ತಂದುಕೊಟ್ಟಿತ್ತು. ಇದರ ಪ್ರಯತ್ನವೇ ಹೊಸದಾಗಿ ರಿಲಾಂಚ್ ಆಗಿರುವ ಕನ್ನಡಪ್ರಭದ ಹೊಸ  ಅವತಾರ  ಅಂತ ತುಂಬಾ ಸುಲಭವಾಗಿ ಅಂದಾಜಿಸಬಹುದು.
ಈ ಹೊಸ ರೂಪದ ಕನ್ನಡಪ್ರಭ ಪತ್ರಿಕೆ ನಮಗೆ ಇದರ ಹಳೆಯ  ಸಿರಿಯನ್ನು ನೆನಪಿಸುತ್ತಿದೆ . ಅನೇಕ ವರ್ಷಗಳ ನಂತರ ಹಳೆಯ ಕನ್ನಡಪ್ರಭವನ್ನು ಓದಿದ ನೆನಪಾಗುತ್ತಿದೆ, ಅನುಭವವಾಗುತ್ತಿದೆ. ಈ ಮೂಲಕ ಭಟ್ಟರು ಪತ್ರಿಕೆಯ ಮೂಲ ಬೇರನ್ನು ಮತ್ತೇ ಅಂಟಿಕೊಳ್ಳುವ ಪರಿಸ್ಥಿತಿಗೆ ಬಾಗಿದಂತೆ ಕಾಣುತ್ತಿದೆ.   ಹೀಗೆ ವಿಶ್ವೇಶ್ವರ ಭಟ್ಟರ ಸಾರಥ್ಯದಲ್ಲಿರುವಾಗಲೇ  ಎರಡು ಬಾರಿ   ಕನ್ನಡ ಪ್ರಭ  ಬದಲಾಗಿದೆ. ಹಳೆ ಬೇರು ಹೊಸ ಚಿಗುರು ಕೂಡಿರಲು ಪ್ರಭದ ಸೊಗಸು ಅನ್ನುವ ಹಾಗಿದೆ.
ಸುವರ್ಣ ನ್ಯೂಸ್  ರೀಲಾಂಚ್ ಆಗುತ್ತಿರುವುದು ಇದು ಎರಡನೇ ಬಾರಿ . ಮೊದಲ ಬಾರಿ ರಂಗನಾಥ್ ರವರು ಕನ್ನಡಪ್ರಭದಿಂದ ಸುವರ್ಣನ್ಯೂಸ್ ಗೆ ಬಂದ ಮೇಲೆ ಸುವರ್ಣ ನ್ಯೂಸ್ , `ಸುವರ್ಣ 24*7 ಅಂತ ಬದಲಾಗಿ ಒಳ್ಳೆಯ ಮೆರಗನ್ನು ಪಡೆದುಕೊಂಡಿತ್ತು. ಈಗ ಭಟ್ಟರ ಸಾರಥ್ಯದಲ್ಲಿ  ವಾಹಿನಿ  ಇನ್ನೊಮ್ಮೆ ಬದಲಾಗಿದೆ. ಉದ್ಯಮಿ ಹಾಗೂ ರಾಜ್ಯಸಭಾ ಸದಸ್ಯ ರಾಜೀವ್ ಚಂದ್ರಶೇಖರ್ ಏಷಿಯಾನೆಟ್ ಕಮ್ಯುನಿಕೇಷನ್ ಯಾವಾಗ  ಕಂಪನಿಯನ್ನು ಖರೀದಿ ಮಾಡಿದರೋ, ಆಗ ಕನ್ನಡದಲ್ಲಿದ್ದ  ಮನರಂಜನವಾಹಿನಿ ಸುವರ್ಣವನ್ನು ಎರಡು ಭಾಗಗಳಾಗಿ ಅಂದರೆ ಸುವರ್ಣ ಹಾಗೂ ಸುವರ್ಣ ನ್ಯೂಸ್ ಆಗಿ ಮಾಡಿದರು. ಇದರಲ್ಲಿ ನ್ಯೂಸ್ ವಿಭಾಗವನ್ನು ಇಟ್ಟುಕೊಂಡು ಸುವರ್ಣ ವಾಹಿನಿಯನ್ನು ಸ್ಟಾರ್ ಸಮೂಹಕ್ಕೆ ಒಳ್ಳೆಯ ಬೆಲೆಗೆ ಮಾರಿದರು, ಆ ಮೂಲಕ ದಕ್ಷಿಣದಲ್ಲಿ  ರೂಪರ್ಟ್ ಮೂರ್ಡೋಕ್ ಒಡೆತನದ ಸ್ಟಾರ್ ಸಮೂಹಕ್ಕೆ  ಒಳ್ಳೆಯ ನೆಲೆ ಸಿಕ್ಕಿತು.ಶಶಿಧರ ಭಟ್ ರು  ಆರಂಭದಲ್ಲಿ ಸುವರ್ಣ ನ್ಯೂಸ್  ನ್ನು ಮುನ್ನೆಡೆಸಿದರು. ಶಶಿಧರ್ ಭಟ್ರ ಸಮಯದಲ್ಲಿ ವಾಹಿನಿಗೆ  ಹೇಳಿಕೊಳ್ಳುವಂತಹ ಜಿಆರ್ಪಿ ಅಂಕಗಳು ಬರುತ್ತಿರಲಿಲ್ಲ. ವಾಹಿನಿಗೆ ಬದಲಾವಣೆ ಬೇಕೆ ಬೇಕಿತ್ತು. ಆಗ ರಾಜೀವ್ ಚಂದ್ರಶೇಖರ್ ಶಶಿಧರ್ ಭಟ್ ರನ್ನು ತಮ್ಮ ರಾಜಕೀಯ ಸಲಹೆಗಾರರನ್ನಾಗಿ ಮಾಡಿಕೊಂಡು, ಅವರ  ಜಾಗಕ್ಕೆ ಕನ್ನಡಪ್ರಭ ರಂಗನಾಥ್ ರವರನ್ನು ಕರೆತಂದರು. ರಂಗನಾಥ್ ಬಂದ ಮೇಲೆ ಸುವರ್ಣ ನ್ಯೂಸ್ ಸಂಪೂರ್ಣವಾಗಿ ಬದಲಾಯಿತು. ಚಾನೆಲ್ ಲೋಗೋ ಬದಲಾವಣೆಯಿಂದ ಹಿಡಿದು, ಎಲ್ಲ ವಿಭಾಗಗಳಲ್ಲಿ ಹೊಸ ಬದಲಾವಣೆ ಕಂಡಿತು. ಟಿವಿ9 ನ ಒಳ್ಳೆಯ ತಂಡ ಸುವರ್ಣ 24*7 ಕ್ಕೆ ಬಂದಿತು. ರಂಗನಾಥ್ರವರು ತಾವು ಬೆಳೆದು, ವಾಹಿನಿಗೂ ಅಲ್ಪಸ್ವಲ್ಪ ಹೆಸರನ್ನು ತಂದುಕೊಟ್ಟರು .
ಈಗ ರಂಗನಾಥ್ ರವರು ಸುವರ್ಣ ನ್ಯೂಸ್ ಬಿಟ್ಟು ತಮ್ಮದೇ ಸ್ವಂತ ಪಬ್ಲಿಕ್ ವಾಹಿನಿಯನ್ನು ಶುರುಮಾಡಿದರು. ಪಬ್ಲಿಕ್ ಟೀವಿ ಯಾಕೋ ಜನಮೆಚ್ಚುಗೆಯ ವಾಹಿನಿಯಾಗಿಲ್ಲ ಅನ್ನುವುದು ತುಂಬಾ ಬೇಸರದ ಸಂಗತಿ. ಮಾರುಕಟ್ಟೆಯಲ್ಲಿ ತನ್ನ ಅಸ್ತಿತ್ವವನ್ನು ಉಳಿಸಿಕೊಳ್ಳಲು ಇಂದಿಗೂ ತುಂಬಾ ಕಷ್ಟಪಡುತ್ತಿದೆ. ಹೊಸದಾಗಿ ರೀಲಾಂಚ್ ಆಗಿರುವ ಸುವರ್ಣ 24*7  ಈಗ ಹೊಸ ಕಚೇರಿಯಲ್ಲಿ ಹೊಸ ರೂಪದೊಂದಿಗೆ ಕಾಣಿಸಿಕೊಂಡಿದೆ. ಜನರಿಗೆ ಇಷ್ಟವಾಗುವ ಮಟ್ಟಿಗೆ ಕಾರ್ಯಕ್ರಮಗಳನ್ನು ಮಾಡುತ್ತಿದೆ. ಮುಂದಿನ ಬೆಳವಣಿಗೆಯನ್ನು ಕಾದು ನೋಡಬೇಕಾಗಿದೆ.
ರೀಲಾಂಚ್  ಪದಕ್ಕೆ  ಬೆಲೆ  ಇಲ್ಲದಂತಾಗಿದೆ
  ಇತ್ತೀಚಿನ ದಿನಗಳಲ್ಲಿ ವಾಹಿನಿಗಳು ರಿಲಾಂಚ್ ಆಗುವುದು ಮಾಮೂಲು ಆಗಿಬಿಟ್ಟಿದೆ. ಕಸ್ತೂರಿ ಸಮೂಹ ,  ಮನರಂಜನಾ ವಾಹಿನಿ  ಹಾಗೂ ನ್ಯೂಸ್ ಎಂಬ ಎರಡು ಭಾಗಗಳಾಗಿದೆ. ಅಂದರೆ  ಎರಡು ವಾಹಿನಿಗಳಾಗಿ   ಕಾರ್ಯನಿರ್ವಹಿಸುತ್ತಿದೆ.  ನ್ಯೂಸ್ ವಿಭಾಗವು ಕಸ್ತೂರಿ ನ್ಯೂಸ್ಜ್ ಹೆಸರಿನಲ್ಲಿ  ಹೊಸದಾಗಿ ಪ್ರಾರಂಭವಾಗಿದೆ. ಈಗ ಇದೇ ದಾರಿಯಲ್ಲಿ ಜಿಇಸಿ ಕಸ್ತೂರಿ ಕೂಡ ಹೊಸದಾಗಿ ರಿಲಾಂಚ್ ಆಗಲು ತಯಾರಿಯನ್ನು ನಡೆಸಿದೆ.  ಹೊಸ ಹೊಸ ಧಾರಾವಾಹಿಗಳು ಸದ್ಯದರಲ್ಲೇ ನಿಮ್ಮ ಮೆಚ್ಚಿನ ಹೆಮ್ಮೆಯ ಪ್ರತೀಕ ಕಸ್ತೂರಿಯಲ್ಲಿ ಪ್ರಸಾರವಾಗಿವೆ.`ಸಮಯ ಸುದ್ದಿ ವಾಹಿನಿ ಕೂಡ ಆಂತರಿಕ ಬೆಳವಣಿಗೆಗಳು ಹಾಗೂ ಮಾಲೀಕರ ಬದಲಾವಣೆಯಿಂದ ಹೊಸದಾಗಿ ಪರಿಚಯವಾಗಿತ್ತು.
ಜನಶ್ರೀ ವಾಹಿನಿಯನ್ನು  ಕೂಡ ಒಡಿಶಾ ಕಂಪನಿಗೆ  ಮಾರಾಟ ಮಾಡಿದ್ದರೂ ಬೇರೆ ವಾಹಿನಿಗಳಲ್ಲಿ ಆದಂತ ಬೆಳವಣಿಗೆಗಳು  ಇಲ್ಲಿ ಆಗಲಿಲ್ಲ. ಅನಂತ್ ಚಿನಿವಾರ್ರವರು ಜನಶ್ರೀ ವಾಹಿನಿಯನ್ನು ಮಾರುಕಟ್ಟೆಯಲ್ಲಿ ನಿಲ್ಲುವಂತೆ ಮಾಡಿದ್ದಾರೆ. ಒಳ್ಳೆಯ ಜಿಆರ್ ಪಿ ಅಂಕಗಳನ್ನು ಪಡೆಯುತ್ತಿದೆ.
ಝೀ ಕನ್ನಡ ವಾಹಿನಿಯ ಲೋಗೋ ಬದಲಾವಣೆ ಇಲ್ಲಿಯ ನಿರ್ಧಾರವಾಗಿರಲಿಲ್ಲ. ಎಸ್ಸೆಲ್ ಸಮೂಹದ ಜೀ ಎಲ್ಲ ವಾಹಿನಿಗಳ ಲೋಗೋ ಬದಲಾಗಿತ್ತು. ಆರಂಭದಲ್ಲಿ ಝೀ ಕನ್ನಡ ಲೋಗೋ ಅಪರಿಚಿತವಾಗಿ ಕಂಡು, ಸಾಮಾನ್ಯ ಜನರಿಗೆ ಯಾವುದೋ ಹೊಸ ವಾಹಿನಿ ಪ್ರಾರಂಭವಾಗಿದೆ ಅಂತಲೇ    ಅಂದುಕೊಂಡಿದ್ದರು. ಈಟೀವಿ ಸಮೂಹವು ರಿಲಿಯನ್ಸ್ ಗೆ ಮಾರಾಟವಾಗಿದೆ. ಅದರ ಬೆಳವಣಿಗೆಗಳು ಮಾತ್ರ ಅಷ್ಟೊಂದು ಸುದ್ದಿ ಮಾಡಿಲ್ಲ.           
ಸ್ಟಾರ್ ಸಮೂಹದ  ಸುವರ್ಣ  ವಾಹಿನಿ ಯ ಲೆಕ್ಕಾಚಾರ ಯಾಕೋ ತಪ್ಪಿದಂತೆ ಕಾಣುತ್ತಿದೆ. ಇತ್ತೀಚಗಷ್ಟೇ  ಮುಕ್ತಾಯವಾದ ಕನ್ನಡದ ಕೋಟ್ಯಧಿಪತಿ ಕಾರ್ಯಕ್ರಮ ಮುಗಿದಾಗಿನಿಂದ ಹೊಸ ಹೊಸ ರಿಯಾಲಿಟಿ ಶೋಗಳನ್ನು ನಿರ್ಮಿಸಲು ವಾಹಿನಿ ಮನಸ್ಸು ಮಾಡುತ್ತಿಲ್ಲ. ಸದ್ಯ ವಾಹಿನಿ ತುಂಬಾ ಸಂಕಷ್ಟದಲ್ಲಿದೆ. ಮೊನ್ನೆಯಷ್ಟೇ ಸುಮಾರು 80 ಜನರನ್ನು ಸುವರ್ಣ ವಾಹಿನಿ ಕೆಲಸದಿಂದ ತೆಗೆದು ಹಾಕಿದೆ. ಯಾರದೋ ಮಾಡಿದ ತಪ್ಪಿಗೆ ಇನ್ಯಾರನ್ನೋ ಬಲಿ ಕೊಟ್ಟ ಹಾಗಾಗಿದೆ  ಇದು ಸುವರ್ಣ ವಾಹಿನಿಯ ಸ್ಥಿತಿಗತಿ.   ಕನ್ನಡದ ಮಟ್ಟಿಗೆ ಪ್ರತಿ ಎಪಿಸೋಡ್ಗೆ ಹತ್ತು ಲಕ್ಷಕ್ಕೂ ಹೆಚ್ಚು ಹಣವನ್ನು ಖರ್ಚು ಮಾಡಿದ ಕೀರ್ತಿಯನ್ನು ಸುವರ್ಣ ಹೊತ್ತರೂ, ಅಷ್ಟು ಹಣವನ್ನು ಜಾಹೀರಾತುಗಳು ಹಾಗೂ ಸ್ಪಾನ್ಸರ್ಗಳಿಂದ ಪಡೆದಿದೆಯೇ ಅನ್ನುವುದು ಮಾತ್ರ ವಾಹಿನಿಗಿರುವ ಯಕ್ಷಪ್ರಶ್ನೆ..
 ಪುನೀತ್ ರಾಜ್ ಕುಮಾರ್ ಸಾರಥ್ಯದ ಕೋಟ್ಯಧಿಪತಿ ಕಾರ್ಯಕ್ರಮ ವಾಹಿನಿಗೆ ಅಪಾರ ಹೆಸರನ್ನು ತಂದುಕೊಟ್ಟಿದ್ದರೂ, ವಾಹಿನಿಯ ಲಾಭ ನಷ್ಟದ ಲೆಕ್ಕಾಚಾರದಲ್ಲಿ ನಷ್ಟದ ಪ್ರಮಾಣವೇ ಹೆಚ್ಚು ಅಂತ ಹೇಳಬಹುದು. ಸುವರ್ಣ ವಾಹಿನಿ  ಕೆಬಿಸಿಯ ಇದುವರೆಗಿನ 80 ಕ್ಕೂ ಹೆಚ್ಚು ಎಪಿಸೋಡ್ಗಳಿಗೆ 20 ಕೋಟಿ ಯಷ್ಟು ಹಣವನ್ನು ಖರ್ಚು ಮಾಡಿದೆ. ಇದರಲ್ಲಿ ವಾಹಿನಿಗೆ ಏಷ್ಟು ಲಾಭವಾಗಿದೆ ಎಂಬುದನ್ನು ವಾಹಿನಿಯವರೇ ಉತ್ತರ ಕೊಡಬೇಕು.ಯಾವ ರಿಯಾಲಿಟಿ ಶೋಗಳಿಂದ ಸುವರ್ಣ ವಾಹಿನಿಗೆ  ದೊಡ್ಡ ಹೆಸರು ಬಂದಿತೋ, ಇಂದು ಅದೇ ರಿಯಾಲಿಟಿ ಶೋಗಳು ಸುವರ್ಣ ವಾಹಿನಿಯಲ್ಲಿ ನಿರ್ಮಾಣವಾಗುತ್ತಿಲ್ಲ. ರಿಯಾಲಿಟಿ ಶೋಗಳನ್ನು ನಿಲ್ಲಿಸಿ ಸೀರಿಯಲ್ಗಳನ್ನು ನಿರ್ಮಿಸುತ್ತಿದ್ದಾರೆ.
ಕಳೆದ ಎರಡು ವರ್ಷಗಳಲ್ಲಿ ಕನ್ನಡ ವಾಹಿನಿಗಳಲ್ಲಿ ಅನೇಕ ಬೆಳವಣಿಗೆಗಳು ಆಗಿವೆ. ರೀಲಾಂಚ್ ಅನ್ನುವ ಶಬ್ದಕ್ಕೆ ಬೆಲೆ ಇಲ್ಲದಂತಾಗಿದೆ. ಕರ್ನಾಟಕದ ಸಣ್ಣ ಮಾರುಕಟ್ಟೆಯಲ್ಲಿ ಇಂದು ಎಲ್ಲ ವಾಹಿನಿಗಳು, ವೃತ್ತಪತ್ರಿಕೆಗಳು ಹೋರಾಟ ಮಾಡಬೇಕಾಗಿದೆ. ಸ್ಪರ್ಧೇ ತುಂಬಾ ಪ್ರಬಲವಾಗಿದೆ. ಸುದ್ದಿ ಹಸಿವಿನ ಬಾವಿಯನ್ನು ಎಷ್ಟು ತುಂಬಿದರೂ ಕಡಿಮೆ ಆಗುತ್ತಿಲ್ಲ. ಗಿಮಿಕ್ಸ್ ಮಾಡಿದರೂ, ವರ್ಕ್ಔಟ್ ಆಗೋದು ತುಂಬಾ ಕಷ್ಟ. ಜನ ತುಂಬಾ ಬುದ್ದಿವಂತರಾಗಿಬಿಟ್ಟಿದ್ದಾರೆ. ಜನರನ್ನುಮೆಚ್ಚಿಸುವುದು ತುಂಬಾ ಕಷ್ಟ. ನಿಟ್ಟಿನಲ್ಲಿ ವಾಹಿನಿಗಳು ತಮ್ಮ ಉಳಿವಿಗೆ ಹೋರಾಟ ಮಾಡುತ್ತಿವೆ. .
                                   
                                                                    
                                                                    


Wednesday 22 August 2012

ಮಕ್ಕಳ ಭಾರ

(ಸದ್ಯ ನಾನು ಬರೆಯುತ್ತಿರುವ ಒಂದು ನಾಟಕದಲ್ಲಿ ಬರುವ ರಂಗಗೀತೆ)

ಆಕಾಶ ಅಂಗಳದಾಗ ಚುಕ್ಕಿಗಳ ಆಸೆ ಕಾಣಯ್ಯ
ಮೇಲ್ಬಿದ್ದು, ಹಾರಿಬಿದ್ದು ಮಿಂಚುವ ತವಕ ನೋಡಯ್ಯ
ನೂರಾರು ಆಸೆ ಮನದಾಗ ತುಂಬೈತೆ..
ಹೊಸಚಿಗುರಿನ ನೂರೆಂಟು ಕನಸುಗಳು ಮಕ್ಕಳಲ್ಲಿ ತುಂಬೈತೆ.
ಮಕ್ಕಳ ಮನದಲ್ಲಿ ಏನೈತೆ.. ಏನಿಲ್ಲ..
ದೇವರು ತುಂಬಿದ ಆಸೆ ಭಾರ..
ಇಳಿಸಯ್ಯ. ಬಾರಯ್ಯ..ಬಡವರ ಮಕ್ಕಳ ಭಾರ..
ನಿನ್ನ ಪೂಜೆ ಮಾಡ್ತೀವಿ, ಹೇಳಿಬಿಟ್ಟು ನೂರು ಬಾರಿ
ನಿನಗೆಲ್ಲಾ ಗೌತ್ತಯ್ತೀ, ನಮ್ಮ ನೋವ ಕಾಣ್ತೈತೆ
ನಮ್ಮೊಳಗೆ ನೀನಿರುವೆ, ಒಳನೋವನು ನುಂಗುವೆಯಾ?
ಆಕಾಶ ಅಂಗಳಾಗ ಚುಕ್ಕಿಗಳ ಆಸೆ ಕಾಣಯ್ಯ

Add caption

Monday 13 August 2012

ಕಿರುತೆರೆಯ ಹನುಮಾನ್ `ದಾರಾ'ಸಿಂಗ್


(ದಾರಾಸಿಂಗ್ ನಮ್ಮನಗಲಿ ಆಗಲೇ ಒಂದು ತಿಂಗಳಾಯಿತು. ತಿಂಗಳ ನೆನಪಿನಲ್ಲಿ ದಾರಾಸಿಂಗ್ ಬಗ್ಗೆ ಸ್ವಲ್ಪ ಮಾಹಿತಿ ಆತನನ್ನು ನೆನಪಿಸಿಕೊಳ್ಳುತ್ತಾ...)

ದಾರಾಸಿಂಗ್ ಇಂದಿಗೂ ಭಾರತೀಯ ಚಿತ್ರರಂಗದಲ್ಲಿ ರಾಮಾಯಣ ಸೀರಿಯಲ್ ಮೂಲಕ ಕೋಟ್ಯಂತರ ಜನರ ಆರಾಧ್ಯದೈವವಾಗಿಬಿಟ್ಟಿದ್ದರು. ಹನುಮಂತನ ಪಾತ್ರಧಾರಿಯಾಗಿ, ತನ್ನ  ಆಜಾನುಬಾಹು ಆಳೆತ್ತರದ ಅಗಲ ದೇಹ ಹೊಂದಿದ್ದ ದಾರಾಸಿಂಗ್ ಟೀವಿ ಪ್ರೇಕ್ಷಕರ ಪಾಲಿಗೆ ನಿಜವಾಗಿಯೂ ಸಾಕ್ಷಾತ್ ಆಂಜನೇಯ ಸ್ವರೂಪವೇ ಆಗಿಬಿಟ್ಟಿದ್ದರು. ದಾರಾಸಿಂಗ್ ಒಬ್ಬ ಜಗದ್ವಿಖ್ಯಾತ ಕುಸ್ತಿಪಟುವಾಗಿ, ನಟನಾಗಿ, ನಿರ್ಮಾಪಕ, ನಿರ್ದೇಶಕ , ಸ್ಟುಡಿಯೋ ಮಾಲೀಕನಾಗಿ, ರಾಜಕೀಯ ಧುರೀಣನಾಗಿ ಜೀವನದ ಎಲ್ಲ ಸ್ತರಗಳಲ್ಲಿ ಅದ್ಭುತ ಸಾಧನೆ ಮಾಡಿ ಮಿಂಚಿರುವುದು ದಾರಾಸಿಂಗ್ ಬದುಕಿನ ದೊಡ್ಡ ವಿಶೇಷತೆ. ಹತ್ತು ಹಲವು ಸಾಂಗತ್ಯಗಳ ದಾರಾಸಿಂಗ್ ಇಂದು ಕೇವಲ ನೆನಪಷ್ಟೇ.



ಕಳೆದ ತಿಂಗಳಿನ ಜುಲೈ 12, 2012 ರಂದು ನಮ್ಮ ದೇಶದ ಸಿನಿಮಾ ಉದ್ಯಮದ `ಜೈ ಹನುಮಾನ್ ಕಣ್ಮರೆಯಾಗಿದ್ದುಅಪಾರ ನೋವನ್ನು ಎಡೆ ಮಾಡಿಕೊಟ್ಟಿತ್ತು. ದಾರಾಸಿಂಗ್ ಭಾರತೀಯ ಸಿನಿಮಾ ಹಾಗೂ ಕಿರುತೆರೆ ಉದ್ಯಮದ ದೊಡ್ಡ ಐಕನ್ ಅಂತ ಹೇಳಿದರೆ ತಪ್ಪಾಗಲಾರದು. ದಾರಾ ಸಿಂಗನ ನಿಧನಕ್ಕೆ ಇಡೀ ಭಾರತೀಯ ಸಿನಿಮಾ ಹಾಗೂ ಕಿರುತೆರೆ ಉದ್ಯಮವೇ ದೊಡ್ಡ ಸಂತಾಪವನ್ನು  ವ್ಯಕ್ತಪಡಿಸಿತ್ತುಬಾಲಿವುಡ್ ನಟ ಅಮಿತಾಭ್ ಬಚ್ಚನ್ ಟ್ವಿಟ್ಟರ್ನಲ್ಲಿ ದಾರಾಸಿಂಗ್ ಬಗ್ಗೆ ``Dara Singh as a great Indian and the finest human being’ ಅಂತ ಹೇಳಿದರೆ, ನಿರ್ದೇಶಕ ಮಹೇಶ್ ಭಟ್ ದಾರಾಸಿಂಗ್ ನನ್ನ ಬಾಲ್ಯದ ಹೀರೋ ಆಗಿದ್ದ ಅಂತ ನೆನಪಿಸಿಕೊಳ್ಳುತ್ತಾರೆ. ಅದೇ ಇನ್ನೊಬ್ಬ ನಟ ಮನೋಜ್ ಭಾಜಪೇಯಿ `ದಾರಾಸಿಂಗ್ ಸದೃಢ, ಆರೋಗ್ಯವಂತ ದೇಹದ ಚಿಹ್ನೆಯಾಗಿದ್ದರು' ಅಂತ ಹೇಳುತ್ತಾರೆ. ಹೀಗೆ ದಾರಾಸಿಂಗ್ರನ್ನು ಕಂಡಂತೆ ಒಬ್ಬೊಬ್ಬರು, ಒಂದೊಂದು ರೀತಿಯಲ್ಲಿ ವರ್ಣಿಸುತ್ತಾಹೋಗುತ್ತಾರೆ. ದಾರಾಸಿಂಗ್ ಬದುಕಿನ ಜೀವನವನ್ನು ನೋಡಿದಾಗ ಆತನಲ್ಲಿ ಭೀಮಸೇನನಂತಹ ಅದ್ಭುತವಾದ  ಪೈಲ್ವಾನನಿದ್ದ. ಕಲಾವಿದನಿದ್ದ, ನಿರ್ದೇಶಕನಿದ್ದ, ನಿರ್ಮಾಪಕನಿದ್ದ, ವ್ಯವಹಾರಸ್ಥನಿದ್ದ. ರಾಜಕೀಯ ಮುತ್ಸದ್ದಿಯಿದ್ದಹೀಗೆ 84 ವರ್ಷ ಬದುಕಿದ್ದ ದಾರಾಸಿಂಗ್ ತಮ್ಮ ಜೀವನದಲ್ಲಿ ಎಲ್ಲ ಸ್ತರಗಳನ್ನು ದಾಟಿ ಅಪಾರ ಯಶಸ್ಸು ಗಳಿಸಿದ್ದರು. ದಾರಾಸಿಂಗ್ ಜೀವನದ ಏಳುಬೀಳುಗಳ ಹಾದಿಯಲ್ಲಿ ಪಡೆದ ಯಶಸ್ಸು, ಸಾಧನೆ, ಅಭಿಮಾನಿಗಳು, ಸಿಕ್ಕ ಪ್ರಶಸ್ತಿಗಳು, ಒಬ್ಬ ಜನಪ್ರಿಯ ನಟನಿಗೆ ಏನೇನು ಸಿಗಬೇಕು ಅದೆಲ್ಲವನ್ನು ದಾರಾಸಿಂಗ್ ಪಡೆದಿದ್ದರು

ದಾರಾಸಿಂಗ್ ಬಯೋಡಾಟ

ಹುಟ್ಟಿದ ದಿನಾಂಕ: 19, ನವೆಂಬರ್1928
ಹುಟ್ಟಿದ ಸ್ಥಳ : ಧರ್ಮು ಚೌಕ್(ಅಮೃತಸರ-ಪಂಜಾಬ್)
1946-1983 (ಕುಸ್ತಿ ಪಟು), 1952-2012 (ನಟ), 2003-2009 (ರಾಜಕೀಯ)
ಜನಪ್ರಿಯ ಸಿನಿಮಾಗಳು: `ರುಸ್ತಂ ಬಾಗ್ದಾದ್', ಫೌಲಾದ್, ವೀರ್ ಭೀಮಸೇನ್, ಸಮ್ಸಾನ್, ಹರ್ಕಲ್ಸ್, ಟಾರ್ಝನ್, ಕಮ್ಸ್ ಟು ದೆಹಲಿ, ಸಿಕಂದರ್ ಆಜಾಮ್, ರಾಕಾ, ಬಾಕ್ಸರ್, ಢಾಕು ಮಂಗಲ್ ಸಿಂಗ್
ಕೊನೆಯ ಚಿತ್ರ: ಜಬ್ ವಿ ಮೆಟ್
ಟಿವಿ ಧಾರಾವಾಹಿಗಳು: ರಾಮಾಯಣ್, ಹದ್ ಕರ್ ದಿ, ಕ್ಯಾ ಹೋಗಾ ನಿಮ್ಮೋ ಕಾ


 ಹಲವು ಪ್ರಥಮಗಳ ಮೊದಲ `ದಾರ'

ಬಾಲ್ಯದಲ್ಲಿರುವಾಗಲೇ ಈತನ ಕಟುಮಸ್ತಾದ ದೇಹ, ಅಪ್ಪ ಅಮ್ಮನನ್ನೇ ಮೋಡಿ ಮಾಡಿತ್ತು. ದಾರಾಸಿಂಗ್ನ ಅಪ್ಪ ಈತನನ್ನು ಕುಸ್ತಿ ಕಲಿಯಲಿಕ್ಕೆ ತಮ್ಮ ಸ್ನೇಹಿತ ಪೈಲ್ವಾನರ ಹತ್ತಿರ ಸೇರಿಸಿದರು. ಗರಡಿ ಮನೆಯಲ್ಲಿ ಒಳ್ಳೆಯ ಕುಸ್ತಿ ಪಟುವಾಗಿ ಬೆಳೆದ ದಾರಾಸಿಂಗ್ ಕುಸ್ತಿ ಅಖಾಡಕ್ಕೆ ಇಳಿದೇ ಬಿಟ್ಟರು. ಆರಂಭದಲ್ಲಿ ಕುಸ್ತಿಯಲ್ಲಿ ಮಿಂಚಿದ ದಾರಾಸಿಂಗ್ ನಂತರ 1952ರಲ್ಲಿ ನಟನಾಗಿ ಪರಿಚಯವಾದರುದಾರಾ ಸಿಂಗ್ ಅಭಿನಯಿಸಿದ ಮೊದಲ ಚಿತ್ರ `ಸಂಗ್ದಿಲ್'. ದಾರಾಸಿಂಗ್ ಭಾರತೀಯ ಚಿತ್ರರಂಗದ ಮೊದಲ ಆಕ್ಷನ್ ಕಿಂಗ್. ಸಾಹಸಮಯ ಚಿತ್ರಗಳ ಮೂಲಕ ಅಪಾರ ಅಭಿಮಾನಿಗಳನ್ನು ಪಡೆದ ದಾರಾಸಿಂಗ್ ಭಾರತೀಯ ಹೀರೋಗಳಲ್ಲಿ ಮೊದಲ ಬಾರಿ ತಮ್ಮ ದೇಹ ಪ್ರದರ್ಶನ ಮಾಡಿ, ಏಟ್ ಪ್ಯಾಕ್ ಆ್ಯಬ್ಸ್ ತನ್ನ ಚಿತ್ರದ ಮೂಲಕ ತೋರಿಸಿದ್ದು ಇಂದಿಗೂ ದಾಖಲೆ. ಕ್ರೀಡಾ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ದಾರಾಸಿಂಗ್ಗೆ ಮೊದಲ ಬಾರಿ ಸ್ಟೋಟ್ಸ್   ಕೋಟಾದಡಿ ರಾಜ್ಯಸಭೆಗೆ ಆಯ್ಕೆ ಮಾಡಲಾಗಿತ್ತು. ಹೀಗೆ ಒಬ್ಬ ಕುಸ್ತಿಪಟುವಾಗಿ, ನಟನಾಗಿ, ನಿರ್ಮಾಪಕ, ನಿರ್ದೇಶಕನಾಗಿ, ಸ್ಟುಡಿಯೋ ಮಾಲೀಕನಾಗಿ, ರಾಜಕೀಯ ಧುರೀಣನಾಗಿ ಜೀವನದಲ್ಲಿ ಎಲ್ಲ ಸ್ತರಗಳಲ್ಲೆ ಅದ್ಭುತ ಸಾಧನೆ ಮಾಡಿ ಮಿಂಚಿರುವುದು ದಾರಾಸಿಂಗ್ನ ವಿಶೇಷತೆಗಳಲ್ಲಿ ಒಂದು.

ದಾರಾ ಸಿನಿಮಾಗಳು

1952ರಲ್ಲಿ `ಸಂಗ್ದಿಲ್' ಸಿನಿಮಾದ ಮೂಲಕ ಪ್ರವೇಶ ಮಾಡಿ ಕುಸ್ತಿಯಲ್ಲಿ ರಾಷ್ಟ್ರೀಯ, ಅಂತಾರಾಷ್ಟ್ರೀಯ ಪ್ರಶಸ್ತಿಗಳನ್ನು ಗೆಲ್ಲುತ್ತಾ, ಜಗತ್ತಿನಲ್ಲಿರೋ ಎಲ್ಲ ಪ್ರಸಿದ್ಧ ಕುಸ್ತಿಪಟುಗಳನ್ನು ಸೋಲಿಸಿ ದಾರಾಸಿಂಗ್ ಸೋಲಿಲ್ಲದ ಸರದಾರ ಅಂತ ಕರೆಸಿಕೊಂಡವರು. ದಾರಾಸಿಂಗ್ ಒಬ್ಬ ಕುಸ್ತಿಪಟುವಾಗಿದ್ದರಿಂದ ಆತನ ಕಟುಮಸ್ತಾದ ದೇಹ ಸಿನಿಮಾ ಉದ್ಯಮಕ್ಕೆ ಹೇಳಿ ಮಾಡಿಸಿದಂತಿತ್ತು. ದಾರಾ ಸಿಂಗ್ಗೆ ಹಿಂದಿ ಹಾಗೂ ಪಂಜಾಬಿ ಸಿನಿಮಾಗಳಲ್ಲಿ ಅವಕಾಶಗಳ ಸುರಿಮಳೆ ಆಯಿತು. 1960ರಿಂದ 1969ರವರೆಗೆ ಹಿಂದಿ ಚಿತ್ರರಂಗದಲ್ಲಿ, 1970-82 ರವರೆಗೆ  ಪಂಜಾಬಿ ಚಿತ್ರರಂಗದಲ್ಲಿ ಯಶಸ್ವಿ ನಟನಾಗಿ ಹೊರಹೊಮ್ಮಿದ್ದರು. ಒಟ್ಟಾರೆಯಾಗಿ 121 ಹಿಂದಿ ಸಿನಿಮಾಗಳು, 21 ಪಂಜಾಬಿ ಸಿನಿಮಾಗಳಲ್ಲಿ ದಾರಾಸಿಂಗ್ ಅಭಿನಯಿಸಿದ್ದರು. 70-80 ದಶಕದ ಪಂಜಾಬಿ ಸಿನಿಮಾಗಳಲ್ಲಿ ದಾರಾಸಿಂಗ್ನನ್ನು ಕಲ್ಪನೆಯಲ್ಟಿಟ್ಟುಕೊಂಡೇ ಸಿನಿಮಾ ಕಥೆಗಳನ್ನು ಮಾಡಲಾಗುತ್ತಿತ್ತು. ಆ್ಯಕ್ಷನ್ ಸಿನಿಮಾಗಳಲ್ಲಿ ಹೆಚ್ಚು ನಾಯಕನಾಗಿ ದಾರಾಸಿಂಗ್ ಮಿಂಚಿದ್ದರು. ದಾರಾ ಅಭಿನಯಿಸಿದ ಕೊನೆಯ ಚಿತ್ರ `ಜಬ್ ವಿ ಮೆಟ್'. ಹಿಂದಿ ಪಂಜಾಬಿ ಸಿನಿಮಾಗಳ ಹೊರತಾಗಿ ತೆಲಗು, ಮಲಯಾಳಂ ಸಿನಿಮಾಗಳಲ್ಲಿ ಕೂಡ ಅಭಿನಯಿಸಿದ್ದರು.
ಅಭಿನಯಿಸಿದ 144 ಸಿನಿಮಾಗಳಲ್ಲಿ 58 ಸಿನಿಮಾಗಳಲ್ಲಿ ದಾರಾಸಿಂಗ್ ನಾಯಕನಾಗಿ ಮಿಂಚಿದ್ದರು. 1970ರಲ್ಲಿ `ಮಮ್ತಾಜ್ ದುಖಿಯಾ ಸಬ್ ಸನ್ಸಾರ್' ಸಿನಿಮಾದ ಮೂಲಕ ನಿರ್ದೇಶಕನಾಗಿ, ಬರಹಗಾರರಾಗಿ, ನಿರ್ಮಾಪಕರಾಗಿ ಪರಿಚಯವಾದರು. ಏಳು ಪಂಜಾಬಿ ಸಿನಿಮಾಗಳನ್ನು ನಿರ್ದೇಶನ ಮಾಡಿದರು. ಸವಾ ಲಕ್ ಸೇ ಏಕ್ ಲಾಡಾನ್, ನಾನಾಕ್ ದುಖಿಯಾ ಸಬ್ ಸನ್ಸಾರ್, ಧ್ಯಾನು ಭಾಗತ್, ರಬ್ ದಿಯಾನ್ ರಾಖಾನ್ ಇವು ದಾರಾ ಸಿಂಗ್ ನಿರ್ದೇಶನದ ಪಂಜಾಬಿ ಸಿನಿಮಾಗಳು.

ಕಿರುತೆರೆಯಲ್ಲಿ ದಾರಾ

ಇಂದಿಗೂ ಮನಸ್ಸಿನಲ್ಲಿ ಹನುಮಾನ್ನನ್ನು ನೆನಪಿಸಿಕೊಂಡರೆ ದಾರಾಸಿಂಗ್ ಅಭಿನಯಿಸಿದ್ದ ರಾಮಾಯಣ್ ಸೀರಿಯಲ್ ನೆನಪಾಗುತ್ತದೆ. 1980 ನಂತರ ದಾರಾಸಿಂಗ್ ಬೆಳ್ಳಿ ಪರದೆಯಿಂದ ಕಿರುತೆರೆಗೆ ಧುಮುಕಿದ ಮೇಲೆ ಸಿನಿಮಾಗಳಿಗಿಂತ ಅಪಾರ ಅಭಿಮಾನಿಗಳನ್ನು ಹನುಮಾನ್ ಪಾತ್ರಧಾರಿಯಾಗಿ ಅಭಿನಯಿಸಿದ್ದ `ರಾಮಾಯಣ್' ತಂದುಕೊಟ್ಟಿತ್ತು. ರಮಾನಂದಸಾಗರ್ ನಿರ್ದೇಶನದ `ರಾಮಾಯಣ್' ಸೀರಿಯಲ್ ಅಂದು ಅಪಾರ ಜನಪ್ರಿಯತೆಯನ್ನು ಗಳಿಸಿತ್ತು. ಹನುಮಂತನ ಪಾತ್ರಧಾರಿಯಾಗಿ, ತನ್ನ ಆಜಾನುಬಾಹು ಆಳೆತ್ತರದ ಅಗಲ ದೇಹ ಹೊಂದಿದ್ದ ದಾರಾಸಿಂಗ್ ಪ್ರೇಕ್ಷಕರ ಪಾಲಿಗೆ ನಿಜವಾಗಿಯೂ ಸಾಕ್ಷಾತ್ ಆಂಜನೇಯ ಸ್ವರೂಪವೇ ಆಗಿಬಿಟ್ಟಿದ್ದರು. `ರಾಮಾಯಣ್' ಸೀರಿಯಲ್ ಮೂಲಕ ದಾರಾಸಿಂಗ್ ಸಿನಿಮಾ ಬದುಕಿನ ಯಶಸ್ಸಿನಂತೆ, ಕಿರುತೆರೆಯಲ್ಲಿಯೂ ಕೂಡ ಅಪಾರ ಯಶಸ್ಸನ್ನು ಗಳಿಸಿದರು. `ಹನುಮಾನ್' ಸೀರಿಯಲ್ನ ಇನ್ನೊಂದು ವಿಶೇಷತೆಯೆಂದರೆ ದಾರಾಸಿಂಗ್ ಹನುಮಾನ್ ಪಾತ್ರಕ್ಕೆ ಆಯ್ಕೆಯಾಗುವ ಮುಂಚೆ ಹಿಂದಿ, ಪಂಜಾಬಿ ಸಿನಿಮಾಗಳಲ್ಲಿ ನಾಯಕನಾಗಿ ದೊಡ್ಡ ಹೆಸರು ಮಾಡಿ, ಸಿನಿಮಾ ಉದ್ಯಮದಲ್ಲಿ ತಮ್ಮದೇ ಛಾಪನ್ನು ಮೂಡಿಸಿಕೊಂಡಿದ್ದರು. ಆಗ ದಾರಾ ಪೋಷಕ ಪಾತ್ರಗಳಲ್ಲಿ ಮಿಂಚುತ್ತಿದ್ದರು. ಪೈಲ್ವಾನನಾಗಿ ಇನ್ನು ಗಟ್ಟಿಯಾಗಿ ನೆಲೆಯೂರಿದ್ದರು. ಹನುಮಾನ್ ಪಾತಕ್ಕೆ ಆಯ್ಕೆ ಮಾಡಿಕೊಂಡಾಗ ದಾರಾ ವಯಸ್ಸು 56 ವರ್ಷ. ಇಷ್ಟು ವಯಸ್ಸಿನ ವ್ಯಕ್ತಿ ಹನುಮಾನ್ ಪಾತ್ರಕ್ಕೆ ಸೂಟ್ ಆಗಬಲ್ಲನೇ ಎಂಬ ಪ್ರಶ್ನೆ ಅನೇಕರನ್ನು ಕಾಡಿತ್ತು. ಎಲ್ಲರ ನಿರೀಕ್ಷೆಯನ್ನು ಮೀರಿಸಿ ದಾರಾಸಿಂಗ್ ಹನುಮಾನ್ ಪಾತ್ರಕ್ಕೆ ಜೀವ ತುಂಬಿ ಅಭಿನಯಿಸಿದ್ದರು. ಪಾತ್ರ ಜಗತ್ತಿನಾದ್ಯಂತ ಮೆಚ್ಚುಗೆಯಾಯಿತು. ಹೀಗೆ ದಾರಾಸಿಂಗ್ ಹಿಂದಿ ಕಿರುತೆರೆಯ ಬೆಳವಣಿಗೆಯಲ್ಲಿ ಪ್ರಮುಖವಾದ ಪಾತ್ರವನ್ನು ವಹಿಸಿದ್ದರು.

ದಾರಾ ಸ್ಟುಡಿಯೋ

ದಾರಾಸಿಂಗ್ 1978ರಲ್ಲಿ `ದಾರಾ ಸ್ಟುಡಿಯೋ' ಅಂತ ತಮ್ಮದೇ ಆದ ಸ್ವಂತ ಸ್ಟುಡಿಯೋವನ್ನು ಕಟ್ಟಿದ್ದರು. ಪಂಜಾಬ್ನ ಮೋಹಾಲಿಯಲ್ಲಿರುವ ಸ್ಟುಡಿಯೋ ಇಂದಿಗೂ ದೇಶದ ಅತ್ಯುತ್ತಮ ಸ್ಟುಡಿಯೋಗಳಲ್ಲೊಂದಾಗಿದೆ. ಸಿನಿಮಾ, ಟೀವಿ, ಜಾಹಿರಾತು, ಸೌಂಡ್, ಲೈಟಿಂಗ್ ಇನ್ನಿತರ ಹಲವಾರು ತಾಂತ್ರಿಕ ವಿಭಾಗಗಳನ್ನು ಹೊಂದಿದೆ